Hópmynd af afhendingu á gjöfinni til Búsetukjarnans á Flókagötu 29-31

Heimsókn Vinaskákfélagsins í Búsetukjarnans á Flókagötu 29-31.

Vinaskákfélagið heimsótti í dag 3 mars 2021 og færði Búsetukjarnanum á Flókagötu 29-31 góða gjöf.
Félagið kom færandi hendi með töfl og skákklukkur. Þetta var önnur heimsókn félagsins, en áformað er að heimsækja fleiri staði á árinu.

Margt var um manninn, þegar Vinaskákfélags menn komu og tók forstöðukonan Þórunn Hrefna Sigurjónsdóttir á móti gjöfinni.

Tekið var vel á móti félagsmönnum, þeim Herði Jónassyni, Hjálmari Siguvaldssyni og Birni Agnarsyni.
Glaðir skákmenn / heimilismenn voru viðstaddir gjöfina og nú skal tekið í skák.

Heimilismenn / skákmenn spenntir að geta byrjað að tefla

Ástæða þess er sú að Vinaskákfélagið ákvað að gefa Búsetukjörnum, geðdeildum og Athvörfum, töfl og skákklukkur
til að efla skáklíf meðal fólks með geðraskanir og fá það til að vera í meiri félagskap við hvert annað.
Skák er góð íþrótt til að fá fólk til að einbeita sér.

Sumarið 2020 samdi Vinaskákfélagið við Skáksambandið að það gæfi skáksett og skákklukkur í
þetta verkefni og vill Vinaskákfélagið þakka þeim kærlega fyrir þeirra þátt í þessu.

Kveðja, Hörður Jónasson varaforseti Vinaskákfélagsins.

x

Við mælum með

Friðriksmót Vinaskákfélagsins 2024.

Vinaskákfélagið mun halda glæsilegt skákmót í kringum fæðingardag Friðriks Ólafssonar. Skákmótið verður haldið laugardaginn 27 ...