Vinaskákfélagið Við erum ein fjölskylda.
Vinaskákfélagið hélt nú í þriðja sinni glæsilegt Minningarskákmót um Hrafn Jökulsson laugardaginn 22 nóvember 2025.
23 skákmenn mættu og þar af margir sterkir skákmenn og var hart barist.
Skákmótið var haldið á Aflagranda 40, en þar hafði Hrafn heitinn verið með bókaupplestur síðustu árin sem hann lifði.
Í ár var mótið með glæsilegra hætti, þar sem Hrafn hefði orðið 60 ára ef hann hefði lifað.
Húsið opnaði með popp og pragt klukkan 15:00, þar sem gestir streymdu inn og gæddu sér á veitingum sem voru svakalega flottar.
Glæsileg kaka
Settur var upp minningarveggur með ýmsum myndum af Hrafni Jökulssyni.
Hörður Jónasson forseti Vinaskákfélagsins bauð síðan gesti velkomna á skákmótið og lék Kristjana Guðmundsdóttir Motzfeldt fyrsta leikinn fyrir Egill Steinar Ágústsson gegn Vignir Vatnari.
Kristjana leikur fyrsta leikinn
Skákmótið sjálft hófst síðan klukkan 16:00 og voru tefldar 9 umferðir með 3 mín. + 2 sek., á klukkunni.
Skákdómari var Róbert Lagerman og mótstjóri Hörður Jónasson.
Verðlaunin voru hin glæsilegustu, en sá sem sigraði var Vignir Vatnar Stefánsson með fullu húsi eða 9 vinninga.
1 Sæti. Vignir Vatnar
Vignir Vatnar fær síðan nafn sitt áritað á glæsilega Bronsstyttu sem Grænlendingar gáfu Vinaskákfélaginu.
- sæti. Gauti Páll Jónsson með 7 vinninga.
- sæti. Arnar Milutin Heiðarsson með 6 vinninga.
16 ára og yngri: Birkir Hallmundarson með 4,5 vinninga.
50 ára og eldri: Jóhann Ingvarsson með 6 vinninga.
65 ára og eldri: Pétur Jóhannesson með 2 vinninga.
Kvennaverðlaun: Emilia Sigurðardóttir með 3,5 vinninga.
Vinaskákfélagið vill þakka Bakarameistaranum fyrir frábærar veitingar og ÍsSpor fyrir alla verðlaunagripina.
Hægt er að sjá úrslit skákmótsins hér: Minningarskákmót um Hrafn Jökulsson 2025
Vinaskákfélagið vill síðan þakka öllum fyrir komuna á þetta glæsilega minningarskákmót og ætlunin er að halda þessi skákmót árlega.
Kveðja, Hörður Jónasson forseti Vinaskákfélagsins.
