Vinaskákfélagið Við erum ein fjölskylda.
Nýársskákmót Vinaskákfélagsins var haldið mánudaginn 8. Janúar 2018 í Vin að Hverfisgötu 47.
Tefldar voru 6 umferðir með 7 mínútur á skák.
Skákstjóri var Hörður Jónasson.
Þetta var fyrsta skákmót ársins 2018 hjá Vinaskákfélaginu.
11 keppendur tók þátt í skákinni og var sérstaklega gleðilegt að Jón Torfason skyldi geta verið með.
Halldóra Pálsdóttir forstöðukona í Vin lék fyrsta leikinn á skák þeirra Róbert Lagerman og Finn Finnssonar.
Halldóra Pálsdóttir lék fyrsta leikinn
Mótið tókst vel og var glatt á hjalla.
Jón Torfason sigraði mótið með 5,5 vinninga og var hærri á stigum heldur en Róbert Lagerman sem fékk líka 5,5 vinninga og annað sætið. Þriðja sætið varð Hjálmar Sigurvaldason með 4 vinninga.
Eftir skákmótið bauð veitingastjórinn Ingi Hans upp á dýrindis vöfflur með sultu og rjóma sem keppendur skoluðu niður með kaffi. Ennfremur var reitt fram brauðterta og þakkar stjórn Vinaskákfélagið fyrir góðar veitingar.
